အားလုံးမေ့လျှော့နေတဲ့ ရှမ်းမြောက်ဒေသက လက်နက်ကိုင်တပ်ဖွဲ့များ
============================================
ရှမ်းပြည်နယ်မြောက်ပိုင်းဟာ တကယ်ကို လက်နက်ကိုင် ရောင်စုံပန်း ခင်းကြီးပါ။ အမည်နာမအမျိုးအမျိုးနဲ့တိုင်းရင်းသားလက် နက်ကိုင်တော် လှန်ရေးတပ်ဖွဲ့တွေရှိသလို ဒေသကိုအစွဲပြုပြီးဖွဲ့စည်းထားတဲ့ ဌာနေပြည်သူ တပ်ဖွဲ့တွေကလဲအမြောက်အများပါပဲ။ တစ်ချို့ပြည်သူစစ်တပ်ဖွဲ့တွေဆို လက်နက်အပြည့်အစုံနဲ့ အင်းအား လေးငါးထောင်အထက်ရှိနေပြီး ထိန်းချုပ်နယ်မြေတွေကလည်းကျယ်ပြန့်လှပါတယ်။ ဒီပြည်သူ့စစ်တပ်တွေ ဘယ်လိုပေါ်ပေါက်လာပါသလဲ။ အဖြေကရိုးရိုးလေးပါ။
တစ်ချို့ပြည်သူ့စစ်တပ်ဖွဲ့တွေက လက်နက်ကိုင်တော်လှန်ရေးတပ် ဖွဲ့တွေကနေခွဲထွက်လာပြီး ၂၀၀၈ ခုနှစ်ဖွဲ့စည်းပုံ အခြေခံဥပဒေ ကိုလက်ခံပြီး ပြည်သူ့စစ်တပ်ဖွဲ့အသွင်ပြောင်းလိုက်တာပါ။ တစ်ချို့ပြည်သူ့စစ်တပ်ဖွဲ့တွေကတော့ မြန်မာ့တပ်မတော်ကလက်နက် ထုတ်ပေးပြီးဖွဲ့စည်းပေးထားတာဖြစ်ပါတယ်။ ပြည်သူ့တပ်ဖွဲ့တွေကို ဘယ်သူတွေနဲ့ဖွဲ့စည်းထားသလဲဆိုတော့ ဌာနေတိုင်းရင်းသား တွေဖြစ်တဲ့ ရှမ်း၊ ကချင်၊ တအာင်း(ပလောင်)၊“၀”၊ လားဟူ၊ ကိုးကန့်၊ လီဆူလူမျိုးတွေအပြင် ရှမ်းပြည်ကိုရွေ့ပြောင်းနေထိုင်လာကြ တဲ့ ဗမာ၊ ရခိုင်၊ ချင်းတို့လို လူမျိုးတွေပါသလို မြန်မာနိုင်ငံဖွား တရုတ်လူမျိုးတွေနဲ့ဖွဲ့စည်းထားပါတယ်။ ဒါတောင် ကျနော်မသိတဲ့ လူ မျိုးစုတွေလဲပါနိုင်ပါတယ်။ ဒါ့အပြင်ရှမ်းမြောက်မှာရှိတဲ့ မြို့အလိုက် ရပ်ကွက်အလိုက်လဲ မြို့မပြည်သူ့စစ်၊ ရပ်ကွက်ပြည်သူ့စစ်တွေ ဆိုပြီးရှိပြန်ပါသေးတယ်။
ဒေသအတွင်းမှာနေထိုင်တဲ့ လူမျိုးစုကြီးတွေဖြစ်တဲ့ ရှမ်းတို့လို ကချင်တို့လို ပြည်သူ့စစ်တပ်ဖွဲ့ကြီးတွေကတော့ တိုင်းရင်းသားလက် နက်ကိုင်တော်လှန်ရေးတပ်ဖွဲ့တွေကနေခွဲထွက်လာကြတာဖြစ်ပြီး လူမျိုးငယ်တွေကတော့ မြန်မာ့တပ်မတော်က ဖွဲ့စည်းပေးထား တာပါ။ ဒီတပ်ဖွဲ့တွေရဲ့ စားနပ်ရိက္ခာကို မြန်မာ့တပ်မတော် က ထောက်ပံ့ပေး ထားတယ်လို့ ဆိုပါတယ်။ ဒါ့အပြင်တပ်ဖွဲ့တွေရပ်တည်ဖို့အတွက်လဲ လုပ်ပိုင်ခွင့်တွေပေးထားပါသေးတယ်။ တရုတ်-မြန်မာနိုင်ငံနယ်စပ်တွေမှာ ကုန်တင်ကားကြီးရပ်နားကွင်းတွေ ကားဂိတ်တွေ ကုန် စည်သယ်ဆောင်ခွင့်တွေနဲ့ အခြားအခြားသော အခွင့်အရေးတွေပေးထားပါတယ်။
အဲ့ဒီလို အခွင့်အရေးနဲ့ လုပ်ပိုင်ခွင့်တွေပေးထားသလို တစ်ဘက်မှာလဲ အဲ့ဒီပြည်သူ့စစ်တပ်ဖွဲ့တွေနဲ့ မြန်မာတပ်မတော်တို့ပူတွဲပြီး စစ်ကြောင်းထွက်တာတွေရှိပါတယ်။ ဒါ့ကြောင့် မြန်မာ့တပ်မတော်နဲ့ ပြည်သူ့စစ်တပ်ဖွဲ့တွေကတစ်ဘက် လက်နက်ကိုင်တော်လှန် ရေးတပ်ဖွဲ့တွေက တစ်ဘက် တိုက်ပွဲဖြစ်ပွားခဲ့တာတွေရှိပါတယ်။
ကျနော် ရှမ်းပြည်ကျွဲကြီးနဲ့ ဓါတ်ပုံတွဲရိုက်ထားတာကတော့ ရှမ်းမြောက်အတွင်းက ပြည်သူ့စစ်တပ်ဖွဲ့တစ်ဖွဲ့ကတပ်ဖွဲ့ဝင်တွေပါပဲ။ ကျနော်ကိုင်ထားတဲ့ သေနတ်ကလဲ သူတို့တပ်ဖွဲ့ကသေနတ်ပါပဲ။
ပြည်သူ့စစ်တပ်ဖွဲတွေနဲ့ ပတ်သက်ပြီး လွှတ်တော်အသီးသီးမှာ ဆွေးနွေးတာမတွေ့ရသလို သတင်းတွေကိုဖတ်ကြည့်ရင်လဲ တိုင်းရင်းသားလက်နက်ကိုင်တော်လှန်ရေးတပ်ဖွဲ့တွေရဲ့အကြောင်းတွေကိုပဲရေးသားဖော်ပြတာ တွေ့ရတာများပါတယ်။ ပြည်သူ့စစ်တပ်ဖွဲ့တွေအကြောင်းကို သိပ်မရေးကြပါဘူး။ မီဒီယာ တွေအနေနဲ့ မြန်မာ့တပ်တော်က တာဝန်ရှိသူတွေကို ပြည်သူ့စစ်တပ်ဖွဲ့တွေအကြောင်း မေးခွန်းထုတ်တာမရှိသလောက်ပါဘဲ။
ရှမ်းပြည်နယ်မြောက်ပိုင်းအကြောင်းပြောမယ်ဆိုရင် ပြည်သူ့စစ်တပ်ဖွဲ့တွေအကြောင်းလဲရေးသားဖော်ပြမှပြည့်စုံမှာပါ။
ဘာကြောင့်လဲဆိုတော့ သူတို့မှာ ကိုယ်စီထိန်းချုပ်နယ်မြေတွေရှိတဲ့ လက်နက်ကိုင်တပ်ဖွဲ့တွေဖြစ်နေလို့ပါပဲ။
၂၁ ရာစု ပင်လုံညီလာခံကြီးအောင်မြင်ခဲ့လိုရှိ ရင်မြန်မာ့တပ်မတော် အနေနဲ့ ပြည်သူ့စစ်တပ်ဖွဲ့တွေကို ဒီလိုပဲဆက်ထားမလား။ သူတို့ထိန်းချုပ်နယ်မြေတွေကို ဘယ်လိုစီမံခန့်ခွဲမလဲ။ လက်နက်တွေဖြုတ်သိမ်းပါဆိုရင်ကောသူတို့တွေလက်သင့်ခံပါမလား။ သူတို့သဘောထားတွေဘယ်လိုရှိနေပါသလဲ….
ရှမ်းမြောက်ဒေသရဲ့ ငြိမ်ချမ်းရေးဟာ မေးခွန်းပေါင်းမြောက်များစွာနဲ့ပါလား…
.ရေးသားသူ- ကျွဲကြီး(ရှမ်းပြည်)
https://m.facebook.com/story.php?story_fbid=524328881100199&substory_index=0&id=496008713932216
