ခင်ပွန်းဖြစ်သူပြန်လာအောင် (၁၇)လ သမီးငယ်ကို ဆားကျွေးပြီး သတ်လိုက်တဲ့ မိခင်

**********************************
မိခင်တစ်ဦးက ခင်ပွန်းဖြစ်သူပြန်လာစေဖို့အတွက် အသက် (၁၇)လအရွယ်သာရှိသေးတဲ့ သမီးငယ်ကို ဆားတစ်ဇွန်းကျွေးပြီး သတ်ပစ်ခဲ့တယ်လို့ သိရပါတယ်။

ကင်မ်ဘာလီမာတင်ရဲ့သမီး ပိုင်တွန်ဟာ ဇူလိုင်လ (၃၁) ရက်နေ့က တိုက်ကျွေးခဲ့တဲ့ဆားတွေကြောင့် အဆိပ်သင့်ပြီးဖျားကာ သေဆုံးခဲ့ရတာတာပါ။

တောင်ကာရိုလိုင်းနားမှာနေတဲ့ မာတင်ကို လက်ရှိမှာတော့ တရားစွဲထားပါတယ်။ မာတင်က ခင်ပွန်းဖြစ်သူ သူ့ဆီပြန်လာစေချင်တာကြောင့် ကလေးကို အဆိပ်သင့်အောင် လုပ်ခဲ့တာလို့ ဆိုပါတယ်။ မာတင်နဲ့ ခင်ပွန်းဖြစ်သူဟာ ကွဲကွာနေကြတာ မကြာသေးပါဘူး။

“ပိုင်တွန်လေးဟာ လှလွန်းတယ်။ အမြဲ ချစ်စရာကောင်းတဲ့ကလေးပါ။ သူက ဘယ်တော့မှ မငိုဘူး။ လူတိုင်းကို ပျော်အောင်လုပ်တတ်တဲ့ ကလေးလေး”လို့ ပိုင်တွန်ရဲ့မိသားစုက ဆိုပါတယ်။

ပိုင်တွန်အနားမှာရှိရင် ဘယ်သူမှ မပြုံးဘဲမနေနိုင်အောင် ချစ်စရာကောင်းသလို သူအကြိုက်ဆုံးက မင်နီအရုပ်လေးတွေလို့ သူ့မိသားစုက ဆိုပါတယ်။

ကလေးသေဆုံးမှုကြောင့် မိခင်ဖြစ်သူဟာ ထောင်ဒဏ် အနှစ်(၂၀) ကျခံရဖွယ်ရှိပါတယ်။

ဆားကို ကလေးငယ်တွေရဲ့ အစားအသောက်မှာ ထည့်သွင်းခြင်း မပြုဖို့ ကျန်းမာရေးပညာရှင်တွေက အကြံပြုထားတာဖြစ်ပြီး ဆားကြောင့် ကလေးငယ်တွေမှာ ကျောက်ကပ်ပျက်စီးနိုင်တယ်လို့ သိရပါတယ်။

မာတင်ဟာ သမီးဖြစ်သူကို ဘာကြောင့်ဆားတွေ ကျွေးခဲ့သလဲဆိုတဲ့ တခြားအကြောင်းရင်းတွေကိုတော့ မသိရသေးဘူးလို့ တာဝန်ရှိသူတွေက ဆိုပါတယ်။ 

လက်ရှိမှာတော့ မာတင်ရဲ့ တခြားကလေး အမွှာနှစ်ယောက်ကိုတော့ လူမှုဝန်ထမ်းဌာနရဲ့ စောင့်ရှောက်မှုအောက်မှာ ထားရှိပါတယ်။

Credit
ဘာသာပြန် - #ဇာနှင်းထိုက်
Admin - Waiyan